Речиси сите релевантни италијански медиуми пред четири дена објавија дека Иван Газидис и Ралф Рангник се договорија и Германецот доби одврзани раце да направи револуција во Милан и да го врати тимот во европскиот врв.

Според медиумите, Рангник го истера своето и ги убеди челниците на
„росоњетите“ тој да одлучува за сите засилувања на играчите и поради тоа освен тренерската функција, Германецот е назначен и за спортски директор.

Сега кога го истера своето, Рангник го дозна и буџетот со кој ќе располага во летниот преоден рок, според „Газета дело Спорт“ тој изнесува 75 милиони евра плус 50 проценти од секој продаден играч на Милан/

Највисоко на списокот со желби е фудбалерот на Салцбург, Доминик Собослаи како и напаѓачот на австрискиот тим, Патсон Дака. Рангник ќе се обиде да ги искористи врските во Ред Бул, бидејќи во Милан доаѓа од тимот на Лајпциг чиј газда е компанијата која го поседува и Салцбург.

Собослаи игра во средниот ред и треба да претставува освежување за „росонерите“, додека Дака е идеалното решение за нападот. Дака изби во прв план по заминувањето на Ерлинг Халанд од Салцбург во Борусија Дортмунф, и оттогаш постигнува гол на секоја 61. минута.

Проблем претставува откупната клаузула на Дака која изнесува 70 милиони евра, но Рангник се надева дека ќе добие попуст од поранешниот сопственик и дека за таа сума ќе успее да ги донесе и двајцата фудбалери на Салцбург.

Покрај нив, новиот тренер на Милан ќе се обиде да ја освежи одбраната и тоа со играч од Бундеслигата. На радарот на Рангник се наоѓаат дефанзивците на Франбург, Робин Кох и на Хофенхајм, Мелардо Богарде кој е внук на поранешниот холандски репрезентативец Винстон Богарде.