Екипата на Њујорк никс се наоѓа во активна потрага по нов тренер откако му даде отказ на Дејвид Физдејл. Желбата на менаџментот на тимот е на клупата да седне некое од најголемите тренерски имиња во САД, но речиси никој не е заинтересиран да работи во екипата која од 2000 година смени дури 10 тренери.

Поради тоа, во тимот се подготвени за револуција и да станат првиот тим во историјата на НБА кој ќе именува жена за главен тренер.

Телевизијата CNBC пишува дека главен фаворит за нов тренер на никси е Беки Хемон, една од најдобрите кошаркарки на сите времиња, која од 2014 година работи како помошник на Грег Попович во Сан Антонио спарс.

On #InternationalWomensDay, we look back to @BeckyHammon guiding the @spurs to the 2015 @NBASummerLeague championship! pic.twitter.com/fnF0W7zBIH

— NBA (@NBA) March 8, 2019

Голем дел од кошаркарските експерти во САД ја гледаат токму Хемон како првата жена која порано или подоцна ќе добие можност да биде главен тренер на една НБА екипа.

Таа се наоѓа меѓу фаворитите за тренерската функција и неименуван извор за телевизијата откри дека Беки Хемон би ја прифатила понудата доколку Њујорк и понуди долгорочен договор на четири или пет години.

Освен Хемон, во потесниот избор се наоѓаат уште и поранершниот тренер на Голден стејт, Марк Џексон и Сем Мичел кој во 2007 година беше избран за тренер на годината.