Ревакцинирани 44% од полнолетните граѓани во државата

Вакцинација во Македонија коронавирус
Вакцинација во Северна Македонија/ Фото: EPA-EFE/GEORGI LICOVSKI

Во текот на вчерашниот ден аплицирани се вкупно 3458 дози вакцини, од кои 873 се аплицирани како прва доза, 2513 се ревакцинирани, а 72 граѓани примиле трета доза вакцина, соопшти Министерството за здравство.

Заклучно со вчера вкупно се вакцинирани 793 179 граѓани, ревакцинирани се 743 374, а трета доза примиле 571 граѓанин. Педесет и три отсто од граѓаните над 40-годишна возраст се ревакцинирани, а 33 отсто од популацијата од 18 до 39 години примиле една доза вакцина.

Опфатот со вакцинација со една доза вакцина, на полнолетната популација е 47 отсто, а со две дози опфатени се 44 отсто од граѓаните над 18 години. Според бројот на аплицирани вакцини, 38 отсто од целата популација во нашата земја е вакцинирана, а 35 отсто од популацијата во државата примила две дози вакцина, стои во соопштението.

Извор: МИА

Активни 10 819 ковид случаи, ревакцинирани 44 отсто од полнолетните граѓани

Видео на денот