Ресторанот „Нома“ на Рене Реџепи од Тетово кој се наоѓа во Копенхаген, вчера беше избран за најдобар ресторан, односно беше прв меѓу 50 најдобри во светот. Настанот се одржа во Антверпен каде што започна на 3 октомври, а заврши синоќа со големото финале и победата на Реџепи.

На официјалната страница на наградениот ресторан е објавено видео од прославата по победата. Честитки за Рене  упати и министерот за надворешни работи, Бујар Османи на својот фејсбук профил.

-Неспорно заслужено признание кое се повторува во континуитет, успех на кој и сите ние во Северна Македонија се гордееме, напиша Османи.

Рене Реџепи e еден од најистакнатите готвачи на светот. Роден е во Копенхаген, a потекнува од тетовското село Џепчиште. Голем дел од детството го поминал во ова село. Овие македонски искуства му оставиле силен впечаток и претставуваат значајна инспирација во неговото готвење.