Ресторани почнаа да нудат попуст на вакцинираните: По 10 до 20 отсто во зависност од дозата
Рестораните, хотелите и продавниците во Дубаи се отворени. За туристите повторно се отворени и границите, се со цел да заживее овој важен сектор во економијата.
Три ресторани во Дубаи нудат попуст на гостите кои се вакцинирани против коронавирусот, објавуваат социјалните мрежи пренесува Б92.
„Прва доза: 10 отсто попуст. Втора доза: 20 отсто попуст“, објавиле три ресторани на Фејсбук и Инстаграм, прецизирајќи дека за тоа ќе биде потребен „доказ“ како лекарска потврда.
Веста е објавена во моментот кога емиратот ја забавува вакцинацијата поради доцнењето во испораката на вакцините на Фајзер/ Бионтек.
Дубаи, еден од седумте емирати кои ги сочинуваат Обединетите Арапски Емирати, во средината на декември започна кампања за вакцинирање по одобрувањето на кинеските вакцини Синофарм и американско-германската Фајзер/Бионтек.
Извор: Б92