Решенијата за изолација доцнат 3 дена
Државниот санитарен и здравствен инспекторат (ДСЗИ), по зачестените прашања околу времето на издавање на решенијата за самоизолација, известува дека во последниот период, заради зголемен број на позитивни лица на вирусот ковид-19 и на нивните контакти, решенијата за изолација во одредени градови се издаваат со задоцнување од 2 до 3 дена.
На 13 ноември 2020 година, се издаваат решенија од списокот добиен од Институт за јавно здравје со датум од 11 ноември 2020 година.
Во интерес на граѓаните и здравствениот систем во земјава, инспекторите од ДСЗИ од март годинава, со прогласување на пандемијата, работат секој ден, без исклучок и за викенди и за празници.
Решенијата кои ги подготвуваат ги испраќаат на 3 начини: преку интернет апликацијата Вибер, преку електронска пошта или на домашна адреса која граѓаните ја пријавиле во пунктовите, од каде им е земен брис за Ковид -19.
Доколку некои од податоците се погрешно регистрирани и не им стигнува решение за самоизолација, граѓаните треба да се обратат на следнава адреса: [email protected], каде треба да наведат точни податоци и адреса каде да им се достави решението, информира директорката на ДСЗИ доктор Ирина Сотирова Бухова.