Решава судоку, малку е суеверна и навива за Партизан, а денеска Ана Ивановиќ слави роденден (ФОТО)
Додека ужива во заслужената тениска пензија и во друштвото на своите омилени момчиња – сопругот Бастијан и нивните два сина, Ана го прославува 32-от роденден, а како што вчера откри на Инстаграм, во моментов се наоѓа некаде на Медитеранот. Додека таа и нејзините најмили уживаат во убавините на есента покрај Средоземното Море, да се присетиме на некои интересни работи за Ана Ивановиќ.
Го засакала тенисот додека ја гледала Моника Селеш
Ана Ивановиќ за првпат држела рекет на само пет години, откако била инспирирана од Моника Селеш, нејзиниот најголем идол.
Тренирала тенис на олимписки базен
Во една прилика Новак Ѓоковиќ открил дека тој и Ана вредно тренирале и во 1999 година, по агресијата на НАТО над Србија. Тренинзите ги одржувале наутро за да се избегне вежбањето во најкритичните делови од денот, па двајцата се симнувале во испразнетиот олимписки базен кој бил прекриен и служел како своевиден тениски терен.
Тешко се справувала со поразите
Како и секое дете, пред да стане професионалец и да научи да се справува со различните ситуации во спортот, Ана тешко поднесувала кога ќе изгуби. Во една нејзина биографија пишува дека кога имала 15 години поради пораз плачела дури четири часа во соблекувалната.
Ликот на Ана се нашол на поштенски марки
Србија ѝ укажала голема чест на тенисерката, кога добила поштенска марка со нејзиниот лик, како и нејзините колеги Новак Ѓоковиќ и Јелена Јанковиќ.
Фудбалот е нејзина голема љубов
Не само што фудбалерот Бастијан Швајнштајгер е нејзината љубов, туку Ана од детството е позната и како страстен навивач кога станува збор за овој спорт, а никогаш не криела дека навива за белградски Партизан.
Ана зборува четири јазици
Покрај српскиот и англискиот јазик, Ана зборува и шпански, а откако го изговорила судбоносното „да“ на Бастијан Швајнштајгер, имавме прилика да слушнеме дека тенисерката зборува и германски јазик.
Има неколку необични навики
Како што пишуваа сите светски медиуми, Ана е по малку суеверна, па не ги гази линиите на тенискиот терен, а во соблекувалната пред важните натпревари се опушта така што решава судоку.
Нејзиниот лик можевме да го видиме во видеоигри
Ана Ивановиќ се нашла како лик во голем број игри, а некои од нив се: Smash Court Tennis 3, Virtua Tennis и Top Spin 4.
Таа е и дел од една песна
Тенисерката учествувала во снимање на песната Hurricane Ana (Ураганот Ана), која ја продуцирале српскиот рапер Филип Филипи и реге уметникот Коли Бадз.
Позирала за голем број познати списанија
На Ана веројатно ѝ завидуваат и најубавите и најуспешни модели и манекенки со оглед на тоа што на листата на магазините за кои позирала се наоѓаат FHM, Vanity Fair, Cosmopolitan, Sports Illustrated и многу други.