Владата на Република Српска денеска донесе одлука, по итна процедура, да спроведе постапка за набавка на мобилна болница со 500 болнички кревети и целата придружна опрема, на површина од 6.000 квадратни метри.

Владата на ентитетот издвои 3.650.000 марки за набавка на мобилната болница. (1 КМ=0,51 евро).

Мобилната болница ќе ја има сета потребна придружни опрема, како што се: приемно одделение, канцелариски оддел, аптека, лабораторија со лабораториска опрема, медицинска опрема, опрема за интензивна нега, болничка опрема, тушеви, тоалетни модули со кабини, генератор, електрична дистрибуција центар, сет за дистрибуција на вода и кујна.

Крајниот рок за испорака е 10 дена, а постапката ќе се спроведе преку Институтот за јавно здравје на РС, соопшти Владата во Бања Лука.