Реномиран американски магазин го нападна Трамп: Ако вака продолжи го чека судбината на Слободан Милошевиќ
Реномираниот американски магазин „Атлантик“ пишува дека претседателот на САД, Доналд Трамп досега владеел по својот автократски инстинкт и дека сега го чека судбината која често ги стигнува автократите кога луѓето се вртат против нив, како она што се случи со Слободан Милошевиќ.
Сегашните немири „Атлантик“ ги споредува со соборувањето на претседателите кои, според тврдењата на тој весник, биле диктатори и како примери ги наведува Милошевиќ во Србија, Виктор Јануковиќ во Украина или Бен Али во Тунис.
„Атлантик“ наведува дека САД доживува хаос каков што не бил виден од 1968 година кога нацијата била поделена.
– Иако мандатот на Трамп ќе заврши со изборите, а не со соборување, магнитудата на се тоа што се случува, а и се што претстои е можно да се разбере единствено ако ги погледнеме сличните случаи во странство, пишува „Атлантик“.
Како и во бројни револуции, во САД се водат две битки – една е долгата борба против бруталната и репресивна идеологија, а другата е борба против еден лидер, оценува понатаму американскиот магазин, додавајќи дека тоа е борба против претседател кој дошол на власт преку зголемување на расните тензии.
„Атлантик“ пишува дека тоа се случило и во Украина во 2014 година кога бил соборен Јануковиќ во таканаречената „Портокалова револуција“.
Тогаш Јануковиќ одлучи да се одрече од пристапување кон ЕУ, а голем број на луѓе се собираа на Плоштадот Мајдан во Киев и буквално кампуваа таму со денови, а поради полициската бруталност починаа над 100 активисти.
„Место да им дозволи на демонстрантите да протестираат, Јануковиќ одлучил насилно да се справи со нив, а тактиката му се одбила од глава. Движењето со ограничени средства стана целосна силна револуција, пишува „Атлантик“.