Од француската компанија за автомобили „Рено“ во понеделникот изјавија дека го разгледуваат предлогот од „Фиат-Крајслер“ да се здружат во една компанија во глобално партнерство за да ги подобрат своите шанси во трансферот на индустријата во производство на електронски и автономни автомобили.

Доколку договорот биде прифатен од „Рено“, новата компанија би ја претркала „Џенерал Моторс“ како трета најголема компанија за автомобили во светот. Само „Фолксваген“ и „Тојота“ ќе бидат поголеми. Значително ќе се промени балансот во глобалната авто индустрија.

Според понудата на „Фиат“, акционерите од двете компании ќе добијат по 50 отсто од ново-формираната компанија, која би била вредна 39 милијарди долари.

Генералното мислење во авто-индустријата денес е дека компаниите ќе мораат да се соединат меѓу себе или блиску да соработуваат за да ги поделат трошоците за транзицијата на автомобилите од моторен на електричен погон.

Традиционалните авто-компании се наоѓаат под голем притисок од новите играчи на пазарот како „Тесла“ и „Убер“.