На синоќешното 92. доделување, Оскарот за најдобра женска улога го освои Рене Зелвегер, за улогата во филмот „Џуди“.

Биографската драма „Џуди“, во режија на Руперт Голд е посветена на последните месеци на животот на иконата на Холивуд, Џуди Гарланд. Ова е втор Оскар за Рене Зелвегер, а ѝ го посвети на Џуди Гарланд, жената која Холивуд ја уништи.

„Минатите години разговорите и пофалбите посветени на Џуди беа одличен потсетник колку нашите херои нè обединуваат. Кога ги славиме нашите херои, ние се сеќаваме кои сме во тоа единство. И не, Џуди Гарланд не доби Оскар додека беше жива. Но сигурна сум дека ова е продолжение на нејзиното наследство и показател дека нејзиното наследство е единственот пример за извонредност и инклузија, благодарност на духот, а сето тоа ги надминува уметничките достигнувања на поединците. Џуди Гарланд, ти си дефоинитивно една од хероините кои нè обединуваат и нè дефинираат. И ова е за тебе“, рече глумицата.

Конкуренција на Зелвегер ѝ биа Синтија Ериво („Хариет“), Скарлет Јохансон „„Приказна за бракот“), Сорша Ронан („Мали Жени“), и Шарлиз Терон („Тие се бомби“).

Рене Зелвегер на доделувањето на Оскарите беше облечена во прекрасен фустан на Армани.