Ременски: Процесот „Рекет 2“ е тенденциозен против мене
Во последниот период кога во медиумите ќе излезе информација за рочиште за „Рекет 2“ моето име се става во контекст на потпретседател на Меѓународниот сојуз што не е точно. Јас неколку пати реагирав и барам објективно информирање. Јас таква функција во таа организација сум ја немала, изјави поранешната пратеничка од СДСМ, Фросина Ташевска-Ременски по завршувањето на рочиштето за случајот „Рекет 2“.
– Ние чекаме две точки на кои што ќе дадеме сериозен приговор што верувам ќе фрли поинакво светло на целиот процес што се води кон мене и во тенденциозноста во истражната постапка и во целокупната оценка на обвинителниот акт во фазата на оценка и сега. Судот ќе ја има можноста да го чуе тој аргумент, претпоставувам на следното рочиште. Се што е направено буквално во однос на мене во овој процес е тенденциозен и противзаконски. Тоа е за незаконскиот влез во мојот дом што се поврзува и со незаконско издадена наредба за спроведување на таков претрес без наше присуство. Се што е земено е вештачено. Сега ОЈО се што одзема го повлекува од листата на докази – рече Ташевска-Ременски.