Фросина Ременски е една од осомничените лица во проширената истрага за аферата „Рекет“ која денеска ја обелодени јавниот обвинител Љубомир Јовевски, дознава „Слободен печат“ од извори од истрагата.

Според нашите соговорници од ОЈО, осомничени се и најблиските соработници во Меѓународниот сојуз со кој раководеше сега веќе притворениот Бојан Јовановски. Осомничена е и асистентката на Јовановски, Кристина Карајованова. Според нашите информации, осомничен е и Миле Јовановски, татко на првоосомничениот Бојан Јовановски. Како што неофицијално дознаваме, ОЈО ќе бара притвор за Јасна Мандиќ од Меѓународниот сојуз. Тие се осомничени за перење пари, помагање и измама. Во оваа афера притворена е и поранешната специјална обвинителка Катица Јанева.