Судот на барање на поранешната пратеничка Фросина Ременски го затвори судењето од денешното рочиште за случајот „Меѓународен сојуз“ во делот кога требаше да се прикаже претресот во нејзиниот дом.

-Приложивме и ние доказ за неовластениот влез во мојот дом, така што тука ќе ги судриме видео – материјалите кои ќе видиме колку кореспондираат со она што е тврдење на јавното обвинителство и она што е мое тврдење, дека имаме комплетно неовластено влегување и претрес во мојот дом. Во овој случај имаме несоодветна проценка за правење претрес по исклучок во дом кој е отворен и во кој нема опасност од вооружен напад или отпор за да влезе без дозвола и присуство на сопствениците на домот, изјави Ременски.