Антикорупциската комисија веќе работи на случаите за кои пратеничката Фросина Ременски поднела претставки – противправно обезбедување пензија на Силјан Аврамовски, заменик директор на УБК од страна на екс министерката за внатрешни работи Гордана Јанкулоска и за имотот на кој живее екс директорот на УБК Горан Николоски.

– Антикорупциската комисија веќе констатира дека екс-директорот живее на тој имот. Останува дополнително да се истражат релациите и можностите за можна корупција поврзани со предмети од Специјалното јавно обвинителство. Дали тој како директор на УБК влијаел и овозможил некакво добро на свој поранешен шеф поврзано со „Рекет“. Дали поради тоа што екс директорот на УБК живее во куќата на адвокатот на Орце Камчев биле причина поради која тој не презел активности кои требал – изјави Ременски.

Според неа, Камчеви на Николоски му пријавиле дека им се случува Рекет, но тој пропуштил да дејствува иако бил должен како службено лице.

– Ако бил информиран државно политичкиот врв тогаш сигурно немале да следуваат јавните појавувања и дружби на политичари, јавни обвинители луѓе од правосудство со обвинетите во Рекет – рече Ременски.