Рекорден прилив на мигранти: Велика Британија ги засилува контролите на границите

Брод со мигранти илустрација/ Фото Архива на СП

Британската Влада денеска најави дека ќе ги засили контролите на границите, откако рекорден број мигранти за еден ден го преминале каналот Ламанш и влегле во земјата со мали чамци.

Како што пренесуваат британските медиуми, најмалку 235 мигранти во 17 чамци пристигнале и биле фатени од британските граничари, со што е надминат минатонеделниот рекорд на 202 пристигнувања за еден ден.

Мигрантите веќе долго време ја користеа северна Франција како почетна точка за да стигнат до Велика Британија, во камиони што минуваат низ тунелот под Ламанш или на траекти.

Пред пандемијата на коронавирусот, силната британска економија и потребата за работна сила на фарми и во ресторани привлекуваа мигранти од целиот свет.

Откако границите беа затворени, тие почнаа да доаѓаат со мали чамци организирани од шверцери на луѓе.

Британската Влада ги повика француските власти да направат повеќе, а министерот за финансии Риши Сунак најави дека следната недела министерот за миграција ќе отпатува за Франција каде ќе разговора за натамошни и посилни мерки за запирање на приливот на мигранти кои пристигнуваат во Велика Британија со чамци.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот