Не убедуваа во комунизмот и сега сé уште не убедуваат дека тоа не може, но сега дојде времето претседател на државата да биде Албанец и тоа треба да го поддржите на претстојните избори. Со овие зборови кандидатот за претседател Блерим Река го побара гласот од гостиварци на предизбориниот митинг во Гостивар.

Река кој е поддржан од Алијансата за Албанците и движењето БЕСА, во неговото обраќање во Ценатрот за култура АСНОМ ги критикуваше активностите на владината коалиција за евроинтеграциите. Тој напомена дека тие немаат доволно капацитет да се справат со предизвикот и препораките кои биле дадени од Брисел. Реформите во судството, законот за јавното обвинителство, деполитизарање на администрацијата и елминирање на непотизмот се дел од тие препораки.

– Дури и да добиеме датум за преговори, партиите на власт и институциите немаат ниту волја, а ни капацитет да ги исполнат условите кои ни беа поставени во Брисел. Тоа ние го зборувавме, а сега и самите партии кои се на власт тоа го признаваат деновиве, рече Река.

Членството во НАТО, според Река, е завршена работа и тој смета дека процесот конечно ќе заврши идната година, но треба да се води сметка и за потребите на народот.

– Ние сакаме да ја спречиме тенденцијата на иселување на младите од земјава. Што ќе ни се концепти за ЕУ и НАТО кога ќе завршиме со петстотини илајди жители помалку, потенцира Река.

Пред сопартијците и симпатизерите на Алијансата за Албанците се обрати и лидерот Зијадин Села кој ги критикиваше политиките на ДУИ кои, според него, не ги застапуваат интересите на Албанците во Македонија.

– Блерим Река е најподготвениот кандидат за претседател и ја ужива довербата на сите заедници, затоа да излеземе на 21 април и со вашиот глас да ја валоризиме победата, рече Села.

Лидерот на движењето БЕСА, Биљал Касами во обраќњето нагалси дека Албанците треба масовно да го поддржат нивниот кандидат, а не, како што рече, гласовите да се трошат на други кои не се грижат за интересите на Албанците.