12 C
Скопје

РЕК Битола ќе престане да работи во 2040 година

РЕК Битола постепено ќе се затвора, а во меѓувреме на просторот на овој рударско-енергетски капацитет ќе се создаваат нови „зелени“ енергетски капацитети. Ова го најави директорот на ЕСМ, Васко Ковачевски кој учествуваше на дебатата „Визија за енергетска транзиција 2040“.

Според планот што го презентираше Ковачевски, РЕК „Битола“ ќе престане да ја произведува струјата од јаглен во 2040 година.

– Планот е со завршувањето на грејната сезона 2025/2026 година да престане да работи првиот блок на РЕК Битола, потоа со завршувањето на сезоната 2031/2032 да се затвори вториот блок,  и последниот – трети блок, да престане да работи со завршувањето на грејната сезона 2039/2040 година – рече Ковачевски.

Тој објасни дека  кога ќе се затвори првиот блок на РЕК Битола, треба да биде готова гасна централа со јачина од 250 мегавати, што ќе го замени производството од првиот блок. Истовремено, тоа ќе биде и комбинирана централа што ќе произведува топлинска енергија која ќе се спроведува преку топловод од РЕК Битола, преку општините Новаци и Могила до Битола.

Прочитајте и...  Лајчак: Се надевам на договор меѓу Приштина и Белград за време на мандатот на Курти

Во рамките на РЕК Битола планирана е и изградба на соларна електрана од 200 мегавати.

Постепеното затворање на РЕК Битола е од повеќе причини. Резервите на јаглен веќе се намалени и затоа за три години се предвидува исклучување на едниот блок. Еколошката компонента, е исто така многу значајна и тоа не само поради заштитата на населението, туку и поради фактот што Енергетската заедница, чиј член сме и ние, воведува данок на CO2.

Според најавите на Ковачевски, електростатички филтри во блоковите 2 и 3 на РЕК Битола ќе се стават до 2023 година, а десулфоризацијата треба да почне да се врши од 2026 година.

Поврзани вести

Најмала пензија земале дури 78.023 пензионери

Слободен печат

По еден месец пауза, пратениците се вратија во собраниските клупи

Нови 473 пациенти во Федерацијата БиХ и 21 починат пациент

Слободен печат

Изградбата се коси со препораките на УНЕСКО за Охрид

Југослава Дуковска

Минатата година БДП со стапка од минус 4,5 отсто

Слободен печат

Компаниите може да аплицираат за февруарска помош за плати цел март

Слободен печат

Остави Коментар