Сезоната на кајсии е тука, па ова овошје треба да се искористи за подготовка на овој превкусен џем во чиј вкус ќе уживате во текот на целата година.

Ние ви го предложуваме најбрзиот, а воедно и највкусниот рецепт за подготовка на џем од кајсии.

Потребно ви е:

• 6 кг исчистени кајсии
• 3,6 кг шеќер

Подготовка:

Кајсиите измијте ги, исчистете ги, па ставете ги во сад. Прво наредете ги кајсиите, па ставете го шеќерот врз нив. Ред кајсии, па ред шеќер, и се така додека да се наполни садот.

Отприлика одат околу 600 грама шеќер на 1 килограм кајсии.

Доколку кајсиите се покисели зголемете ја количината на шеќер. Оставете ги кајсиите така да отстојат преку ноќ или барем 5-6 часа да пуштат сок и шеќерот да се стопи.

Варете на силен оган 20 до 30 минути.

Тргнете го садот од оган и мешајте со лажица околу 20 минути. По потреба и повеќе, за содржината да се згусне.

Сипете ја смесата во чисти тегли, затворете, па завртете ги теглите.

Теглите можете и да ги пастеризирате на 90 степени час и половина, и да ги оставите во рерната сами да се оладат постепено.

Подготовката на џемот е готова, а вие ќе уживате во вкусот на ова божествено овошје и во текот на зимата.