Речиси милион луѓе приведени на јужната граница на САД

Речиси еден милион луѓе се приведени во САД на границата со Мексико од октомври 2018 година досега, што е највисока цифра за 12 години, изјави шефот на американската гранична полиција.

– Операциите на југозападната граница на САД достигнаа речиси еден милион за фискалната 2019 година, што заврши кон крајот на септември – изјави Марк Морган на прес-конференција во Вашингтон.

САД во 2019 година се соочуваат со нелегален влез од Мексико, главно граѓани на централна Америка кои бегаат од насилство и сиромаштија.

Тој прилив предизвика криза на границата со преполни центри за прием и очајни санитарни услови.

– Приведувањата на границата достигнаа врв од 144.000 во мај. Оттогаш, бројот на приведени се намали на 52.000 во септември – рече Морган.

За да се намали бројот на несакани странци што доаѓаат, американската влада го притиска Мексико да распореди трупи на нејзината јужна граница за да ги спречи доаѓање на мигрантите, претежно од Ел Салвадор, Хондурас и Гватемала.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот