Речиси 60 отсто од Словенците сметаат дека предвремените парламентарни избори се добри за излез од политичката криза

Архива на СП

Речиси 60 отсто граѓаните на Словенија сметаат дека предвремените парламентарни избори се добри за излез од политичката криза во земјата, покажува испитувањето на јавното мислење кое го направи „Вокс попули”.

Како што јави дописникот на МИА од Љубљана, според истото испитување, претседателот на државата Борут Пахор се уште е најпопуларен политичар во Словенија.

Во однос на политичките партии најголема поддршка Словенците даваат на партијата Словенечката демократска партија на Јанез Јанша. Доколку денес би се одржале изборите за оваа партија би гласале 19,6 отсто од граѓаните со право на глас.

На второ место е партијата на премиерот во оставка Марјан Шарец ЛМШ (Листа на Марјан Шарец) со 17,1 отсто.

Трета на листата е СД (Социјални демократи) со поддршка од 8,2 отсто од гласачите.

Ова испитување на јавното мислење доаѓа пред се по извесните предвремени парламентарни избори во земјата.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот