Рецепт за пиварки, омилениот колач во секој дом во Југославија
Пиварките се испробани и неповторливи старински колачиња, кои традиционално се прават за време на постот. Но, тоа не значи дека не можеме да ги јадеме во ниту еден период од годината. Неодоливи се бидејќи се направени од еден од омилените пијалаци, а тоа е пивото, и од ореви. Оваа комбинација е полн погодок, а уште поубаво е што можете да направите пиварките како топчиња, кифлички… На крајот се потопуваат во сируп и се валкаат во кокос или ореви. Овие вкусни колачи домаќинките порано ги служеа на сите дружења и слави.
Состојки:
– 300 мл пиво
– 600 мл масло
– 2 ќесички прашок за печиво
– 800-900 грама брашно
За сирупот:
– 600 грама шеќер
– 300 милилитри вода
– 2 ќесички ванилин шеќер
Дополнителни состојки:
– ореви
– кокос
Подготовка:
Во сад измешајте масло и пиво, па додадете просеано брашно со прашок за печиво. Замесете тесто, па обликувајте го во топка. Расукајте го тестото, па исечете триаголници.
Триаголниците од тесто наполнете ги со сечкани ореви, па обликувајте ги во кифлички. Наредете ги во плех обложен со хартија за печење и печете во загреана рерна на 180 степени околу 20 минути.
Измешајте вода и шеќер и по неколку минути додадете ванилин шеќер. Гответе уште 5 минути откако ќе зоврие. Кога сирупот ќе се излади, натопете ги топлите пиварки во него и извалкајте ги во кокос или мелени ореви.