Рецепт за мафини со мандарини, трикот е во една состојка
Мафините се омилениот десерт на многумина, а состојките за оваа варијанта можете да ги изматите за пет минути, а потоа сѐ што треба да направите е да седнете до рерната додека прекрасниот мирис се шири низ куќата.
Трикот е во јогуртот, кој му дава сочност на колачот, додека ренданата кора од лимон е тука за посебен вкус на мафините.
Состојки:
– 240 грама брашно
– 100 грама шеќер
– ½ лажичка сол
– 1 лажичка сода-бикарбона
– 2 лажички прашок за печиво
– 60 грама путер
– 2 лажици млеко
– 1 јајце
– 240 милилитри густ јогурт
– 2 мандарини
– рендана кора од лимон
Подготовка:
Во сад измешајте брашно, шеќер, сол, прашок за печиво и сода-бикарбона.
Растопете го путерот, оставете да се излади, потоа додадете млеко, јајце и јогурт и сè убаво измешајте. Потоа, додека мешате, постепено додавајте ги сувите состојки, па убаво измешајте додека не ги измазните сите грутчиња.
Додадете една лажица рендана кора од лимон и сечканата мандарина, па повторно добро измешајте.
Смесата сипете ја во калапот за мафини, додека не се наполнат две-третини, па печете во загреана рерна на 200 степени, околу 20 минути.
Оставете ги да отстојат 5 минути, па извадете и послужете со чај, кафе, сок од портокал…