Иако повеќето ќе се согласат дека домашните пити со домашни кори се најубави, секоја домаќинка нема време да ги замеси.

Но, шармот е во тоа кога ќе пронајдете рецепт за пита што може да ѝ парира и на онаа од домашни кори.
Затоа ви носиме рецепт за интересна и брза пита со сирење. Покрај тоа што е вкусна, многу брзо се прави.

Состојки:

– 500 г готови кори за пита
– 500 г ситно сирење
– 1 чаша јогурт
– ќесичка прашок за печиво
– 100 мл масло
– 4 јајца
– сол

Подготовка:

Подмачкајте четвртест плех, па на дното ставете две раширени кори. Потоа, земете ги преостанатите кори и наредете ги во плехот, но свиткајте ги како лепеза.

Така направете со сите кори, редејќи ги една до друга. Изматете 3 јајца, маслото, јогуртот, прашокот за печиво и солта, а кога сè добро ќе изматите, додајте го и сирењето, па се повторно измешајте повторно.

Одделете еден филџан од оваа смеса и измешајте со 1 јајце за да ја прелиете питата.

Добиената смеса сипете ја со лажица рамномерно помеѓу корите. Печете ја на 200 степени 30 минути.
Питата послужете ја топла.