Шпанците во студените зимски месеци прават грав, јадење што го обожаваат и Македонците. Но, од нашиот рецепт се разликува по 3 состојки, какви што се варени јајца, леб, како и бујон (коцка за супа). Ако не сте знаеле, бујон се додава наместо вода, бидејќи дава поинтензивен вкус, а наместо да го послужите лебот настрана, препечете го и изблендирајте, па додајте го во јадењето.

Со божествен вкус и уште подобар мирис, гравот подготвен на овој начин ќе стане вашето ново омилено јадење.

Состојки:

– 45 милилитри маслиново масло
– 2 парчиња багет
– 4 чешниња лук
– 1 кромид
– 1 зелена пиперка
– 1 морков
– 1 голем компир
– 2 лажички слатка пиперка
– 400 милилитри сос од домати
– 450 грама бел грав од конзерва
– 450 грама темен грав од конзерва
– 850 милилитри супа (бујон) од зеленчук
– 4 јајца
– 2 ловорови листови
– грст свеж магдонос

Подготовка:

Во тенџере сипете маслиново масло, па додајте го пропржениот багет и цели чешниња лук. Пропржете, па извадете ги настрана. Потоа, во истото тенџере додајте ги исечканите кромид, морков и бибер. Кога зеленчукот ќе омекне, додајте ги сечканите компири, па посипете со слатката пиперка. Потоа, сипете го доматниот сос, па посолете и побиберете. Сипете го гравот кој претходно сте го измиле и процедиле, па додајте го бујонот (коцката за супа од зеленчук измешајте ја со 850 мл топла вода). Додадете го ловоровиот лист и добро измешајте, па варете додека не почне да врие. Намалете ја температурата и поклопете, па варете уште 20 минути. Изблендирајте го лебот, лукот и сечканиот магдонос, па додадете ги во гравот. Измешајте, па додајте ги јајцата на око, само внимавајте да не се излеат. Покријте и варете уште 4 минути додека јајцата не се готови.