Рецепт за домашна пилешка паштета: Половина килограм месо, а количина за цело семејство
Нема ништо поубаво од мирисот на домашните печива, а нема ништо поздраво од домашните намази, па затоа ви предлагаме за појадок да направите домашни лепињи и паштета. Таа спаѓа во еден од популарните намази, а овој рецепт за пилешка паштета ќе ви се допадне уште на првиот залак. Направете ја од копани, бидејќи тоа месо е посочно од белото, а со додавање путер и супа, паштетата ќе стане уште покремаста.
Состојки:
– 500 грама копани без коски
– 1 кромид
– 125 грама путер
– 3 лажички сол
– 1/3 лажичка пиперка
– 150-200 милилитри супа од копани
Подготовка:
Исечете го кромидот на половина, а потоа препечете го на рингла. Потоа во тенџерето ставете ги и кромидот и месото. Сипете 2 литри вода, а потоа посолете (2 лажички). Гответе додека не почне да врие, а потоа намалете го оганот, поклопете и варете уште час и половина. Извадете го кромидот од супата, а кога месото ќе се излади, можете да ја извадите кожичката, но не мора. Паштетата е повкусна, поубава ако ја оставите. Потоа во блендерот ставете го месото, путерот на собна температура, една лажичка сол и бибер, како и 150-200 милилитри супа (водата во која се вареше месото). Добро измешајте и по потреба додајте дополнителен зачин. Паштетата сипете ја во сад со капак и чувајте ја во фрижидер.
