Сега е сезоната на боровинки и идеално време е да направите вкусен чизкејк кој не мора да го печите. Лесно е да се направи, вкусот е освежувачки, а боровинките ја подобруваат крвната слика и се одлични за детоксикација на телото, макар и во слатко издание.

Потребни состојки:

-200 г бисквити
-80 г путер, стопен
-300 г боровинки
-25 г шеќер
-1 лажица сок од лимон
-20 г желатин + 60 мл ладна вода
-450 г крем сирење
-125 г шеќер во прав
-160 мл слатка павлака
-1 лажичка екстракт од ванила

За прелив:
-15 г желатин + 40 мл ладна вода
-180 г боровинки
-25 г шеќер + 70 мл вода

Подготовка:

– Измешајте ги мелените бисквити и растопениот путер, потоа направете кора со притискање на смесата во калапот. Измешајте ги боровинките со шеќер и сок од лимон, гответе кратко, а потоа соеднинете ги со мешалка.
– Измешајте желатин со вода и во меѓувреме изматете крем сирење со шеќер во прав. Додадете слатка павлака и екстракт од ванила во крем сирењето, а потоа повторно изматете.
– Додадете 2 лажици фил од боровинки во растопениот желатин, убаво изматете, потоа истурете го преостанатиот фил од боровинки и добро измешајте.
– Додадете ја смесата од желатин во смесата со крем сирење и добро измешајте. Истурете го филот над кората од бисквити, а потоа оставете го чизкејкот во фрижидер еден час.

За преливот:

– Измешајте желатин (15 г) со вода (40 мл) и тргнете го настрана. Измешајте боровинки (180 г) со шеќер (25 г) и вода (70 мл) и оставете да зоврие. Кога ќе зоврие, тргнете го од шпоретот и соединете го со мешалка. Додадете желатин и промешајте, а потоа изладете на собна температура. Прелијте го чизкејкот и оставете преку ноќ во фрижидер.