Рецепт кој потекнува од 17 век: Направете си освежителен леден панч
Панч е еден од најпознатите пијалаци во светот кој обично се служи во длабоки, тркалезни чинии кои се карактеристични за овој освежителен пијалок. Постојат многубројни варијанти на овој вкусен пијалок, а се пиел уште во 17 век.
Се верува дека името на пијалакот е позајмено од хинди јазикот и во превод значи „пет“. Името го добил по оригиналниот рецепт, кој се состоел од пет состојки. Во оригиналот, панчот се состоел од алкохол, шеќер, овошје или овошен сок, вода и зачини.
Панч е популарен празничен пијалок кој се пие топол, а низ историјата луѓето го прилагодувале на состојките и сезоната, па денес има различни верзии – топол, ладен, овошен, алкохолен или безалкохолен. Ние согласно летните горешнити ја одбравме ладната варијанта. Во продолжение прочитајте го рецептот.
Потребни состојки:
– 1 литар црн чај (оладен)
– половина литар ладен чај од шумско овошје
– 200 мл бел рум
– 150 мл густ сок од лимон
– 150 мл сок од брусница
– 2 цели портокали
– 2 цели лимони
– 2 цели лимети
Подготовка:
Сварете црн чај и додадете мед по желба. Почекајте чајот добро да се олади. Наполнете длабок сад со мраз, а над мразот ставете го исечканото овошје. Ако сакате послатки пијалоци, не мора да го разредувате сокот од лимон со вода, туку само прелијте го со мраз и овошје. Додадете го црниот чај, чајот од шумско овошје, румот и на самиот крај полека прелијте со сокот од боровинки. По желба додадете грст свежи боровинки. На здравје!