Реал во офанзива, веќе достави понуда за Салах
Поразот од Манчестер сити го запали алармот кај претседателот на „кралскиот“ клуб, Флорентино Перез.
Само еден ден по поразот од „граѓаните“ во Лигата на шампионите, вообичаено за мадридските медиуми, започна лицитацијата за следното големо засилување на Реал Мадрид.
Вчера Пеп Гвардиола им одржа час по фудбал на Зидан и неговите фудбалери и го натера Флорентино Перез да подготви повече од 100 милиони евра за екстра засилување.
Прва желба на тренерот Зидан но и на Флорентино Перез останува Килијан Мбапе, но прашање е дали ќе успеат да го реализираат трансферот ова лето.
Токму поради тоа, денеска се појавија информации кои неделава ги најави Џејми Карагер, дека Реал на лето со сите сили ќе тргне во ѕвездата на Ливерпул, Мохамед Салах.
Според поранешниот капитен на Ливерпул, управата на „црвените“ но и менаџерот Јирген Клоп се подготвени да се разделат со Салах доколку пристигне понуда поголема од 150 милиони евра.
Токму толкава сума веќе е подготвена од страна на Перез кој во најскоро време се очекува да тропне на вратите на „Енфилд“ и да се обиде да го ангажира Салах. Доколку се реализира трансферот, Реал Мадрид во идната сезона ќе ги има најдобрите двајца фудбалери во Премиер лигата во последните две години, Еден Азар и Мохамед Салах.