Само една недела откако славеше на Ел Класико, Реал Мадрид вечерва направи два чекори наназад во трката за титулата и повеќе не се господари на својата судбина.
Причината за тоа е што Реал Мадрид остана на второто место со 67 бодови, три помалку од лидерот Атлетико Мадрид кој денеска победи, а има два бода повеќе од третопласираната Барселона која пак има натпревар помалку.

Со ремито без голови, Реал Мадрид повторно покажа дека не игра најдобро против послабопласираните екипи и дојде до бројката од дури 26 загубени бодови, од кои само два се со директните конкуренти за титулата, Атлетико и Барселона.
„Кралевите“ загубија уште шест бода во дуелите со екипите од третото до седмото место кои носат пласман во европските купови, а загуби дури 18 бодови во дуелите со екипите кои се наоѓаат од осмото до 20. место на табелата.

Тренерот Зинедин Зидан одлучи да му даде одмор на Карим Бензема и тоа му се одрази на играта бидејќи неговите фудбалери упатија само два шута во рамките на голот на Хетафе, додека домашниот тим имаше вкупно 19 шутеви, од кои шест во рамките на голот.