Реал на една победа до шампионската титула! (ВИДЕО)
Во рамките од 36 коло во најсилното шпанско првенство екипата на Реал Мадрид ја оправда фаворитската улога на гостувањето кај Гранада (1:2).
„Кралевите“ своите голови ги постигнаа во текот на првото полувреме преку Менди и Бензема.
Following their 1-2 win over Granada, Real Madrid need just one more win to secure their 34th #LaLigaSantander title ?.#GranadaRealMadrid pic.twitter.com/4SWxj4JVf5
— Friends of Football (@friendsofutball) July 13, 2020
Домаќините успеаја единствено да го ублажат поразот на стартот од вториот дел кога стрелаше Мачис.
На две кола до крајот на сезоната во „Ла Лига“ составот на Зинедин Зидан се на првото место со 83 бодови, четири повеќе од второпласираната Барселона. На Реал му е потребен само уште еден триумф да дојде до титулата, а тоа може да го направи веќе во наредниот меч в четврток на 16 јули.
Во следното 37 коло Реал на домашен терен ќе го пречека Виљареал, додека Барса ќе ја пречека Осасуна, додека во завршната 38 лигашка рунда, мадридскиот гигант гостува кај Леганес, а тимот на Кике Сетиен гостува кај Алавес.