Реал Мадрид во иднина ќе има спектакуларен стадион! (ВИДЕО)
Уште од претходно се најавува новиот „проект“ на кралскиот клуб, објавено е дека за истиот ќе бидат издвоени нешто над половина милијарда евра.
Стадионот „Сантјаго Бернабеу“, домот на мадридски Реал и еден од најголемите фудбалски храмови на Стариот континент, навистина е импонзантен.
Од порано е познато дека управата на Мадрид сака уште поубав и поатрактивен да го направи стадионот, а во текот на минатата година беше објавено дека најтрофејниот клуб во светот и рекордерот по бројот на освоени трофеи ќе мора да издвои 525 милиони евра.
?️✨ For more unforgettable moments at home.
? The Santiago Bernabéu of the future.#RMFansEnCasa | #StayHome pic.twitter.com/hgBkr9YrO5— Real Madrid C.F. ???? (@realmadriden) April 13, 2020
Засега е непознато дали челниците на клубот ќе ги „намалат“ трошоците за овој капитален проект, со оглед на пандемијата на коронавирусот, а токму главниот град е најголемото жариште на Шпанија), но едно е јасно, после „шминкањето“ кое според најавите ќе потрае неколку години, „Сантијаго Бернабеу“ ќе изгледа спектакуларно.
Стадионот на кој Реал ги игра своите домашни натпревари е изграден од октомври 1944 година до декември 1947 година, кога и официјално беше отворен.
Досега е реновиран двапати – во 1982 и 2001 година, додека четирипати е зголемен капацитетот на трибините – во 1953, 1992, 1994 и 2011 година. На овој стадион, меѓу другото, четирипати падна одлуката за европски клупски шампион – во 1957, 1969, 1980 и 2010 година, редоследно Реал Мадрид, Милан, Нотингем форест и Интер.