Пол Погба има важечки договор со Манчестер јунајтед до 30 јуни 2022 година и засега нема никакви најави за продолжување на соработката.

Французинот кој моментно според „Трансфермаркт“ вреди 60 милиони евра, во саботата на првиот натпревар во новата премиерлигашка сезона имаше фантастичен настап запишувајќи дури четири асистенции во домашната победа над Лидс.

28-годишниот играч ланската натпреварувачка сезона во Премиер лигата од 26 настапи запиша три голови.

Денеска повторно се шпекулира околу иднината на Погба, за кој британскиот „Дејли Стар“ информира дека има уште 12 месеци од договорот со „црвените ѓаволи“ пред да му се придружи на Реал Мадрид како слободен агент следното лето.

Истиот извор вели дека можно е со француската ѕвезда заедно со неговиот сонародник Килијан Мбапе (од ПСЖ) и Норвежанецот Ерлинг Халанд (од Борусија Дортмунд), Реал Мадрид повторно биде моќен со нови „галактикоси“ на патот кон трофеите во Шпанија и Европа.

Понуда од 120 милиони евра за Мбапе, дали ПСЖ ќе ја прифати?