Екипата на Реал Мадрид ремизира на „Сантијаго Бернабеу“ против Виљареал играјќи 0:0 во седмото коло на Ла Лига.

Интересно ова е прв официјален натпревар во новата сезона во која Реал Мадрид под водство на Карло Анчелоти не успеа да постигне гол.
Големи заслуги за тоа има и Унаи Емери кој одлично ја постави тактиката на Виљареал.

„Жолтата подморница“ во првото полувреме беше тимот кој имапе подобри шанси, посебно опасност по голот на Куртоа беше Данјум кој имаше две шанси, во 13. и во 38. минута.

Анчелоти реагираше на полувремето, го внесе во игра Камавинга на местото на Родриго, по што „кралевите“ беа подобар тим во вториот дел,имаше поголем посед на топката и создаде неколку шанси кои не успеа да ги реализира.

Реал Мадрид и покрај ремито остана лидер на табелата со 17 бода, три повеќе од Севиља и Атлетико Мадрид, додека Виљареал по четврти пар сезонава одигра без голови и со осум бодови се наоѓа на десеттото место.