Реал ја прифати понудата, Варан се сели на „Олд трафорд“
Манчестер јунајтед заврши уште еден голем трансфер во летниот преоден рок.
„Скај Спортс“ пренесува дека нов член на Манчестер јунајтед ќе стане францускиот репрезентативец, Рафаел Варан. Со денови се шпекулираше денот кога Варан ќе пристигне на „Олд трафорд“, но денеска се договорени сите детали од трансферот.
Двата клуба се договорија за висината за обесштетувањето, Јунајтед за трансферот ќе плати 50 милиони евра, а Варан го очекува четиригодишен договор со кој ќе заработува по 12 милиони евра по сезона.
За да се официјализира транферот потребно е Варан да ги помине лекарските прегледи, а тоа се очекува да биде до крајот на неделава.
Веста дека договорот конечно е постигнат ја потврди и поранешниот капитен на Манчестер јунајтед, Рио Фердинанд кој работи како стручен аналитичар за „Скај“.
– Какво големо засилување, каков одличен играч донесовме. Голема работа, успеавме. Мислам дека Варан е привлечен од проектот на Јунајтед кој му изгледа подобар од тој на Реал. Донесовме елитен играч кој може да донесе рамнотежа во одбраната – изјави Фердинанд.
Рафаел Варан настапуваше за Реал Мадрид од 2011 година кога пристигна од Ленс и за „кралскиот клуб“ одигра 360 настапи и постигна 17 гола.