Реал ја „краде“ желбата на Јунајтед!?
Фернандеш (24) досега ги бранеше боите на Спортинг Лисабон на нашиот Стефан Ристовски, а според португалските медиуми Реал сега влегува во борба со премиерлигашите за услугите на фудбалерот.
Од 2017 година за лисабонските „лавови“ имаше 66 натпревари и 31 погодок. Во кариерата настапуваше уште за Новара, Удинезе и Сампдорија.
Transfer: Real Madrid join race to sign Man Utd, Spurs target Bruno Fernandes https://t.co/JE6jmmmX76 via @SportishNews
— Sportish News (@sportishnews) August 3, 2019
Вредноста на играчот се проценува на 70 милиони евра, иако „кралевите“ овој преоден рок потрошија над 300 милиони за Еден Азар, Ферланд Менди и Лука Јовиќ, тренерот Зидан планира да го освежи средниот ред. И натаму Пол Погба останува најголемата желба на францускиот тренер, но никако да се дојде до договор, бидејќи Манчестер јунајтед бара 170 милиони евра.
Претседателот на „кралевите“, Флорентино Перез го мерка исто така и Дони ван де Беек кој заедно со Френки Де Јонг и Матијс Де Лихт имаше значајна улога во успехот на Ајакс обезбедувајќи полуфинале минатата сезона во Лигата на шампионите.
Веќе беше објавено дека по дуелот со Валенсија минатата сабота Фернандеш емотивно се збогуваше со навивачите на Спортинг, а се очекував недела да го има последниот меч за клубот во португалскиот Суперкуп против Бенфика, по што ќе се види дали ќе направи евентуален трансфер во Реал Мадрид, Манчестер јунајтед или некој друг клуб…