Реал избегна нов срам (ВИДЕО)
По поразот во првото коло во ЛШ од ПСЖ со убедливи 0:3, фудбалерите на Реал Мадрид беа на добар пат да доживеат нова бламажа, овој пат на „Сантијаго Бернабеу“ каде по првиот дел имаа негатива од 0:2, но на крајот успеаја да извлечат еден бод.
Емануел Денис во деветтата минута му донесе водство на белгискиот тим, а 30. минути подоцна, истиот фудбалер го искористи киксот на Лука Модриќ и го замолкна „Сантијаго Бернабеу“.
Во второто полувреме доминираа „кралевите“ и по десет минути игра успеаја преку капитенот Серхио Рамос да намалат на 1:2. Доминацијата на Реал беше јалова се до самиот финиш кога на пет минути до крајот на средбата Каземиро успеа да погоди и да донесе еден бод за Реал.
Во вториот натпревар од 19 часот, Шахтјор со голот на Соломон во 95. минута ја победи Аталанта.
Претходно, Аталанта поведе преку Дуван Запата во 28. минута, а во 41. минута Мораеш донесе израмнување за украинскиот тим.