РЕАЛ ИЛИ БАРСА: „Кралевите“ испратија супер понуда за Нејмар!
Бразилецот Нејмар не е задоволен во ПСЖ и веќе неколку недели се шпекулира дека сака да го напушти овој клуб и се врати во редовите на Барселона.
Но, сега во борбата за неговите услуги се вклучи и Реал Мадрид, а Флорентино Перез ќе даде сè од себе да биде побрз од Барса.
Каталонскиот „Спорт“ објави денеска дека Реал испратил и официјална понуда за Нејмар тешка 200 милиони евра.
Real Madrid make Neymar transfer decision amid Barcelona interest – Irish Mirror https://t.co/JfzzkUIMtc
— UK Sports News Bot (@UKNewsBot1) August 10, 2019
Супер понуда од 40 милиони по сезона и договор на пет години, но и натаму фудбалерот ја разгледува опцијата да се врати во Барса, информира „Спорт“.
Доколку би ја прифатил „кралската“ понуда би бил вториот најплатен фудбалер на светот, единствено пред него би бил Меси.
Освен тоа, адутите на Реал во преговорите се одличните односи со ПСЖ и му нудат на играчот тоа што Барса не може во овој момент. 100 милиони евра веднаш плус играч(и), а на оваа листа би можеле да се најдат Герет Бејл, Кејлор Навас, Марино Диаз и Хамес Родригез.