Реал го чека жешко лето на фудбалскиот трансфер пазар

epa09119318 Real Madrid's striker Marco Asensio (2-R) celebrates with teammates Casemiro (R), Lucas Vazquez (2-R) and Eder Militao (R) after scoring the 2-0 goal during the UEFA Champions League quarter final first leg soccer match between Real Madrid and Liverpool FC held at Alfredo Di Stefano stadium, in Madrid, central Spain, 06 April 2021. EPA-EFE/Kiko Huesca

Реал Мадрид (81 бод) во последното коло сезонава во шпанската „Ла Лига“ ќе се бори за нова шампионска титула, но зависи од резултатот на Атлетико Мадрид (83 бодови).

Дури и доколку градскиот ривал направи кикс, Реал планира да направи големи промени за да не зависат од грешките на другите во борбата за трофеи.

Угледниот шпански спортски дневен весник „Марка“, добро информиран за секоја ситуација во „кралскиот“ клуб, објави дека голем број на играчи ќе бидат на продажба, вклучувајќи и некои големи имиња.

Претседателот на екипата Флорентино Перез, наводно, има намера да донесе две големи ѕвезди ова лето. Првата цел е Килијан Мбапе, кој според некои тврдења вреди околу 250 милиони евра, а доколку не успеат со него, најверојатно ќе се насочат кон Ерлинг Халанд затоа што вреди „само“ 150 милиони евра. Второто засилување треба да биде Едуардо Камавинга, кој сигурно би бил ангажиран за помалку од 100 милиони евра.

Но, со цел да обезбеди доволно средства и да го олесни буџетот за плати, Перез има намера да се ослободи од дури 10 играчи. Клубот треба да го напуштат Брахим Дијаз, Дани Себаљос, Лука Јовиќ, Хесус Ваљехо, Такефуса Кубо, Иско, Борха Мајорал, Герет Бејл и Рајнер.

Некои од нив сè уште се во составот на Зинедин Зидан, како Иско, но повеќето од тие играчи се некаде на позајмица и се веќе на трансфер листата. Проблемот најверојатно ќе се појави кај Герет Бејл затоа што Тотенхем скоро сигурно нема да го откупи неговиот договор, а Реал можеби повеќе не го сака во своите редови.

Реал наскоро треба да го официјализира трансферот на Алаба

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот