Реакција на Општина Карпош по вчерашниот немил настан: Ние сме сериозна Општина, неодговорноста на поединци не се толерира!

Фото: МИА

Општина Карпош донесе одлука за прекинување на договорите за вработување на двајцата привремено ангажирани службеници, кои беа дел од вчерашниот немил настан. Тие ги повредија сите етички стандарди и норми за професионално и одговорно работење и однесување, велат од Општина Карпош, како реакција на прес – конференцијата на Александар Трајановски (ГРОМ).

– Веднаш по немилиот настан, кој се случи надвор од седиштето на општината, локалната самоуправа ја контактираше полицијата и итната медицинска помош, со цел да бидат навремено преземени сите неопходни дејствија. Ова е констатирано и во записникот на полициските службеници.

Општина Карпош во ниту еден момент нема да толерира неодговорност и непрофесионалност и ова јасно и недвосмислено го покажавме со брзата одлука за одговорност на општинските службеници.

Свесни сме дека ваквиот тип на вести и информации се привлечни за пошироката јавност, но нема да дозволиме ниски квалификации за дневно политички поени, како и навреди и лаги да го урнат угледот на институцијата.

Кога станува збор за одговорноста и професионалноста на општинската администрација најдобро говорат домашните и меѓународните организации и институции. Општина Карпош е прогласена за најтранспарентна институција во Македонија, по Извештајот на Центарот за граѓански комуникации – истражување поддржано и од УСАИД. Исто така, Државниот завод за ревизија, во неодамнешниот извештај констатираше дека Карпош испорачува најквалитетни услуги за граѓаните преку својата веб – страна.

Несоодветното однесување на поединци, кои веќе не се дел од администрацијата, не може и не смее да го загрози угледот на општината, која изминативе четири години е пример за транспарентна и респонзивна институција. Впрочем, професионалноста се покажува и кога треба да се поведе постапка против оние кои згрешиле во рамки на институцијата. Карпош тоа го стори. Затоа што нема друга алтернатива, освен одговорно и професионално работење и однесување, стои во нивната реакција.

Обид за убиство во Општина Карпош, мотивот е љубовен триаголник

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот