На улицата Орце Николов, потоа во паркчето на улиците Тодор Александров и Благоја Давков, како и на улицата Радњанска во Дебар Маало, засадени се 16 нови дрва и 450 ниско грмушести растенија и перени.

 Зеленилото е особено важно за секоја општина и вложувањето во зелени површини е вложување во нашето здравје. Затоа би сакал да апелирам на внимателност од страна на возачите кога паркираат да внимаваат на овие нови садници кои често знаат да бидат прегазени и уништени – апелира градоначалникот на Општина Центар, Горан Герасимовски.

Тој информираше уште за една активност на Општина Центар – реконструкција на улицата Ристо Шишков кај Градски парк.

Следува гребење на стариот асфалт и поставување на 2286 метри квадратни нов асфалтен слој. На улицата која е во должина од 380 метри ќе бидат поставени и нови рабници на тротоарите. Работиме на подобрување на инфраструктурата за поголема безбедност за возачите и пешаците – вели Герасимовски