Иако денеска Владата на седница ја разреши Ана Петровска од функцијата в.д. директор на Државниот инспекторат за животна средина, таа сепак ќе продолжи да работи во Министерството за животна средина. 

Од владата брифираат дека Петровска останува посветена на заштата на животната средина, па нејзиниот професионален ангажман продолжува во Министерството за животна средина.

На нејзината позиција во Инспекторатот за животна средина е именуван  Сретен Стојковски.

„Таа е исклучително квалитетен кадар, Владата ги цени нејзините квалитети и перформанси и веќе се разгледуваат повеќе опции Петровска да координира некои од процеси од зелената агенда на Владата, веднаш после локалните избори“, брифираат од таму.

Петровска доаѓа на позицијата на директор на ДИЖС од редовите на ДОМ, но по несогласувањата со претседателката на партија Маја Морачанин во јуни е разрешена од потпреседателската функција во партијата заедно со пратеникот Мирослав Богдановски. Тој потоа си даде оставка од пратеничката функција и се врати на работа во Градскиот инспекторат за животна средина.