РАЗБИЕНА криминална група во Грција: Заработиле 500.000 евра на ПРОДАЖБА НА БЕБИЊА
Полицијата во северна Грција разбила криминална група која продавала бебиња, наведувајќи дека се работи за една од најорганизираните групи во Европа.
Полицијата навела дека 12 лица се уапсени, а 66 биле обвинети.
Шефот на одделението за злосторства на солунската полиција, Антонис Цицис рекол дека се верува дека ова е една од „најголемите и најорганизирани“ групи во Европа.
Според неговите зборови, полицијата влегла во трага на најмалку 22 случаи на продажба на бебиња, 24 продажби на јајце-клетки и десет случаи на плаќање на сурогат мајки помеѓу 2016 и 2019 година.
Цицис наведува дека оваа криминална група „заработила“ најмалку пола милион евра.
Криминалната група, наводно ја предводеле грчки адвокат и акушер. Тие регрутирале сиромашни трудници во Бугарија и им плаќале до 5.000 евра за продажба на своите деца на грчки парови без деца, пренесува АП.