Равенка ги скара луѓето на социјалните мрежи, дали вие можете да ја решите?
Математичката задача која го измачи интернетот повторно стана вирален хит на Твитер бидејќи корисниците никако не можат да се договорат околу нејзиното решение.
Равенката изгледа едноставна и јасна: 8 ÷ 2 (2 + 2) =?
Нема невообичаени операции или збунувачки бројки, но луѓето сè уште се збунети бидејќи некои тврдат дека решението е 16, а некои дека решението е 1.
Дури и различни калкулатори даваат различни резултати. Меѓутоа, прашањето е поставено на погрешен начин. Според правилата на алгебрата, одговорот треба да биде 16 бидејќи заградите се решаваат најпрво, а делењето и множењето имаат ист приоритет, така што задачата се решава по редослед од лево надесно, пишува „ИФЛ сајенс“.
Меѓутоа, некои тврдат дека равенката нема неколку загради кои би им овозможиле на луѓето да дојдат до правилното решение.
Би можеле да имате (8 ÷ 2) x (2 + 2), што би било еднакво на 16, или можете тоа да го напишете како 8 ÷ [2x (2 + 2)], што би било еднакво на 1. И двете опции сигурно би биле поедноставни, но веројатно тогаш задачата не би станала хит на интернет.