24.8 C
Скопје

Растурена студентска корона журка во Загреб, 64 лица легитимирани, меѓу нив и болен од ковид

Припадниците на загрепската полиција спровеле рација во студентско здружение каде затекнале и легитимирале 64 лица, од кои за еден 31-годишен маж е утврдено дека има изречена мерка за лекување од ковид-19 во домашни услови.

Хрватската полиција спроведе рација изминатата ноќ во соработка со Штабот за цивилна заштита во студентското здружение во Гундулиќевата улица во Загреб.

На сите затекнати лица во редовна постапка ќе им бидат издадени прекршочни пријави во склад со одредбите од Законот за заштита на населението од заразни болести, пренесуваат хрватските медиуми.

Лицата не се придржувале кон епидемиолошките мерки за забрана на одржување на јавни настани и собири на кои се присутни повеќе од 25 лица на едно место, а никој од затекнатите лица при влезот на полициските службеници немал на себе заштитна маска.

Против девојка (25) и момче (26), одговорни лица од Здружението на студенти како и против 31-годишник за кој е утврдено дека има изречена мерка за лекување дома од ковид-19, ќе бидат поднесени кривични пријави за кривично дело ширење и пренесување на заразна болест.

Поврзани вести

Мекафи се самоубил

Слободен печат

Логар: Европската иднина на Западен Балкан е меѓу приоритетите на словенечкото претседателство со ЕУ

Слободен печат

Со нож избодела сестрата близначка

Слободен печат

ВИДЕО | Торнадо ја опустоши Јужна Моравија: Автомобили паѓаа по куќи

Слободен печат

Спасовски домаќин на „Регионалниот патоказ за борба против корупција и нелегални финансии” во Охрид

Слободен печат

ВИДЕО | Безмалку 100 исчезнати во урнатата зграда на Флорида

Слободен печат

Остави Коментар