Растот на американските залихи ја „нагриза“ цената на нафатта – инвеститорите останаа внимателни
Според извештајот на американскиот институт за нафта, залихите на сурова нафта во САД пораснале за 8,4 милиони барели, спротивно на прогнозата на аналитичарите дека тие ќе забележат опаѓање.
Северноморската сурова нафта забележа пад за повеќе од еден процент, на цена од 41 долар за барел, по извештајот за пораст на американските залихи, што пак повторно внесе загриженост меѓу инвеститорите во поглед на понудата и слабата побарувачка поради корона кризата.
Нафтата од типот „Брент“ поевтини за 50 центи или 1,2 отсто, на 40,68 долари за барел, а падна и цената на американската „ВТИ“ нафта, исто така за 50 центи или 1,3 отсто на 38,44 долари за барел, пренесува „Ројтерс“.
Според извештајот на американскиот институт за нафта, залихите на сурова нафта во САД пораснале за 8,4 милиони барели, спротивно на прогнозата на аналитичарите дека тие ќе забележат опаѓање.
Организацијата на земји извознички на нафта ОПЕК и нејзините сојузници заедно со Русија, постигнаа договор за продолжување на рекордното намалување на производството за уште еден месец, односно до крајот на јули.
Ваквата вест поттикна раст на цената, но расположението на пазарите спласна откако Саудиска Арабија, Кувајт и Обединетите Арапски Емирати одлучија да не продолжат со своето дополнително намалување на испораките.