Расте бројот на млади пушачи во Германија

Фото: Профимедиа/Илустрација

Процентот на млади пушачи во Германија нагло се зголемил во последните три години, покажуваат податоците од истражувањето „Форса“ нарачано од Фондот за здравствено осигурување KKH.

Дури 11 отсто од луѓето на возраст од 16 до 29 години се опишале себеси како редовни пушачи, во споредба со само шест отсто во 2020 година, објави денеска медиумската група „Функе“.

Според истражувањето, два отсто од испитаниците се опишуваат себеси како повремени пушачи, а 87 отсто како непушачи.

Во возрасната група од 30 до 49 години уделот на редовните пушачи благо се зголемил од 19 на 21 отсто, додека во групата од 50 на 69 години бројот на пушачи паднал од 23 на 19 отсто.

Севкупно, 18 отсто од оние на возраст над 16 години се редовни пушачи, покажа истражувањето.

Вкупно 74 отсто од жените и 77 отсто од мажите изјавиле дека не се пушачи.

„Загрижувачки е фактот што особено младите луѓе пушат повеќе, и тоа редовно“, изјави за Функе Мајкл Фалкенштајн, експерт за проблеми со зависности.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот