Раста заврши во притвор од 30 дена: Јас не сум дилер, тоа е лично за мене!
Пејачот и рапер Стефан Ѓуриќ (30), попознат како Раста, беше уапсен од полицијата во петокот со пет грама марихуана во центарот на Белград. По апсењето, тие извршиле претрес во неговиот стан и пронашле уште еден килограм исти материи. Српски Курир пишува дека судот пресудил на Раста да му биде одреден притвор во траење до 30 дена по предлог на Вишото јавно обвинителство.
Раперот е обвинет за трговија со дрога, а тој се бранел со употреба на наркотици за лична употреба. Неговите адвокати не сакале да даваат изјави кога го напуштиле судот. Кога излегле, им пристапиле на пријателите на раперот.
„Го обвинуваат дека чувал марихуана за продажба, и сите знаат дека тој не е дилер, но дека тој ја конзумирал. Мислам дека одредениот притвор е неоснован затоа што тој е јавна личност, со цел да се покаже дека и славните завршуваат зад решетки“, изјавил за српските медиуми адвокатот Вук Туфегџиќ.
За Раста претходно се шпекулираше дека ужива во забранети супстанции, а пејачот неколку пати се фотографирал со марихуана.
Тој неодамна беше мета на критики кога уживаше на терасата во базен со својата ќерка Тара (2), што ја доби со неговата поранешна сопруга, пејачката Ана Николиќ (41). Но, иако фотографиите ги разнежнија повеќето обожаватели, целото внимание беше „украдено“ од позадината на објавата.
Поточно, зад Раста имаше дрвена маса со мобилен телефон, пијалоци, но и пепелник. Токму содржината на пепелникот беше лавина коментари на социјалната мрежа, па некои следбеници го „нападнаа“ музичарот.