Според податоците на Државниот завод за статистика, бројот на туристите во ноември 2019 година изнесува 64.458, а бројот на ноќевањата изнесува 135.866.

Бројот на туристите во ноември 2019 година, во однос на ноември 2018 година, е зголемен за 13.2 %, а бројот на ноќевањата е зголемен за 7.5 %.

Бројот на домашните туристи во ноември 2019 година, во однос на ноември 2018 година, е зголемен за 2.6 %, а бројот на странските туристи е зголемен за 19.3 %.

Бројот на ноќевањата на домашните туристи во ноември 2019 година, во однос на ноември 2018 година, е намален за 3.0 %, а бројот на ноќевањата на странските туристи е зголемен за 15.5 %.

Во периодот јануари – ноември 2019 година, во однос на истиот период од претходната година, вкупниот број на туристи е зголемен за 5.0 %, и тоа: кај домашните туристи има зголемување за 1.9 %, а кај странските има зголемување за 6.8 %.

Во периодот јануари – ноември 2019 година, во однос на истиот период од претходната година, вкупниот број на ноќевањата е зголемен за 2.6 %, и тоа: бројот на ноќевањата на домашните туристи остана на исто ниво, а кај странските има зголемување за 5.7 %.