Зимата 2022 година ќе биде побогата за спортски настани од вообичаеното, бидејќи тогаш Светското фудбалско првенство ќе се одржи во Катар, односно стартот е на 21 ноември 2022 година.

Стадионите се во завршна фаза на изградба, меѓу нив и стадионот „Лусаил Ајконик“ каде ќе се одиграат десет натпревари, вклучително и финалето.

Организаторите ги одредија цените на билетите за луксузни места, а пакетот во ложата Лусаил, стадионот околу кој е предвидена изградба на нов град северно од Доха, чини неверојатни 2,6 милиони евра!

Тоа е цената за ложата од 40 места во „Чудесниот Пакет“ за сите 10 натпревари, вклучувајќи го и финалето со целосна удобност – приватни апартмани, оброк што вклучува избор на пет главни јадења, сомелиерска услуга со избор на најдобри вина и најдобри места за паркирање – и сите веќе се распродадени!

Најевтините „хоспиталити“ карти за сите мечеви на Лусаил, вклучувајќи едно четвртфинале, едно полуфинале и финале, чинат 11.700 евра во „Мечот на клубот“, а одат и до 60.845 евра во „Бисерна ложа“.